Ríkisstjórnin vill tryggja áframhaldandi loftvarnir á Íslandi og líklegt er að Bandaríkjamenn vilji tryggja umsjón yfir flugstjórnarsvæðinu og ratsjárstöðvum hér á landi og vilji alls ekki sjá þau völd falla í hendur annars ríkis. Hörð afstaða ríkisstjórnarinnar gagnvart Bandaríkjamönnum í ljósi þessa er því ekki einungis skiljanleg heldur rétt.
Keppnin um heismeistaratitil ökuþóra í Formúlu eitt kappakstrinum er hálfnuð. Michael Schumacher hefur forystu í stigakeppni ökuþóra en hann er þó engan veginn öruggur með titilinn.
Starfandi sem þjónn á einu af kaffihúsum borgarinnar verður mér oft hugsað til erlendra ferðamanna sem flykkjast í miðbæinn í leit að hinu ævintýralega bæjarlífi sem þeir hafa lesið um í „What’s on in Reykjavík”. Myndir af útikaffihúsum og sætum stelpum með ís heilla óneitanlega, en raunin er yfirleitt önnur. Bærinn er oft gjörsamlega tómur og virðist sem flótti hafi gripið um sig meðal verslunareigenda í miðbæ Reykjavíkur.
Miklar umræður og skrif hafa spunnist í kringum afskipti lögreglu af mótmælendum á Austurvelli þann 17. júní sl. Vísaði lögreglan nokkrum mótmælendum út af Austurvelli og tók af þeim mótmælaspjöld sem þeir héldu á lofti á meðan forsætisráðherra hélt hátíðarræðu sína. Rétt er að geta þess að mótmælin voru þögul og virðist rökstuðningur fyrir aðgerðum lögreglu vera heldur þunnur.
Maðurinn er skrýtin skepna. Þrátt fyrir að drottna yfir öðrum dýrum á jörðinni virðist á stundum sem hann sé öllu skyni skroppinn. Þessir spéhræddu prímatar eiga að vera best til þess fallnir að læra af öllum skepnum, en samt gera þeir sömu mistökin aftur og aftur, jafnvel þótt það steypi þeim í glötun. Þeir hafa einstakt lag á að misnota hluti sem hægt væri að nýta til góðs og skaða sig á því sem þeir geta ekki verið án.
Það er algjör óþarfi að bíða eftir því að góðærið skili sér í budduna því nú er hægt að fá neyslulán út á sumarbústaðinn. Það gleymdist nefnilega í síðasta góðæri að veðsetja sumarbústaðinn upp í topp, en nú er tækifærið.
Þann 11. júlí næstkomandi verða fimm ár liðin síðan Hvalfjarðargöng voru opnuð almenningi. Göngin hafa frá opnun verið táknrænn minnisvarði um afl einkaframtaksins – og svo verður vonandi áfram, þótt varasamar hugmyndir hafa verið settar fram um annað.
Til hvers að kaupa alltaf nýrri og nýrri vagna ef menn geta ekki stillt klukkuna rétt í þeim sem fyrir eru? Af hverju er ekki hægt að skipta pening í strætó? Stundum þyrfti ekki mikið til að bæta strætisvagnaþjónustu á höfuðborgarsvæðinu.
Flestum þykir sjálfsagt að fá að vinna hjá hverjum sem er og skipta um atvinnurekanda ef vistin er slæm. Útlendingar sem starfa samkvæmt tímabundnum atvinnuleyfum eiga ekki sömu möguleika, þar sem leyfið er í höndum atvinnurekandans. Fyrir utan réttlætissjónarmið, myndi það leysa margan vanda að breyta forsendum slíkra atvinnuleyfa, launþega í vil.
Samkvæmt áreiðanlegum heimildum Deiglunnar standa nú yfir samningaviðræður milli eigenda enska knattspyrnuliðsins Barnsley og hóps íslenskra og enska fjárfesta um kaup á félaginu. Guðjón Þórðarson, fyrrverandi landsliðsþjálfari Íslands og knattspyrnustjóri Stoke City, fer fyrir hópi fjárfestanna.
Smekkur Hr. Ólafs Ragnars Grímssonar á mögulegum kvöldverðargestum fer batnandi. Forsetinn hitti um helgina Nelson Mandela og ákvað að bjóða honum til Íslands. Mandela er í hugum margra, þ.á.m. mín, merkasti núlifandi stjórnmálaleiðtoginn. Æviskeið hans er öllum þeim, sem trúa á réttlæti, ævarandi hvatning.
Japanskir hárgreiðslumenn geta andað léttar, sjónvarpsmenn á SKY geta farið að sofa og tískufrömuðir í Madrid ráða ekki við sig af kæti; Beckham er farinn til Real.
Verndun höfundaréttar á Netinu sem og annars staðar er vandasamt verkefni. Nú hefur bandaríski öldungardeildarþingmaðurinn Orrin G. Hatch stungið upp á einfaldri lausn á vandanum hvernig koma megi í veg fyrir ólöglega dreifingu efnis á Netinu – eyðileggjum tölvurnar.
Finnar, sem hafa hægt og bítandi náð sér upp úr miklu atvinnuleysi og efnahagskreppu með mikilli framtakssemi og fyrirhyggju, segja stundum í hálfkæringi að sænska velferðarkerfið sé eins og dekkjalaus Volvo. Rosalega góður bíll, en virkar ekki.
Alþjóða hvalveiðiráðið samþykkti í gær ályktun gegn hvalveiðum í vísindaskyni. Ráðið var stofnað árið 1946 en hefur vikið verulega frá upphaflegu hlutverki sínu.
Ef hringt er í grænt númer í Bandaríkjunum eru miklar líkur á því að símanum sé svarað á Indlandi. Störf í alls kyns þjónustugeirum flytjast nú hröðum skrefum frá Bandaríkjunum til Indlands.
Í umræðum um Evrópusambandið hafa andstæðingar þess oft fallið í þann fúla pytt að ala á fodómum og tortryggni í garð útlendinga í stað þess að notast við málefnaleg rök. Þessi aðferð andstæðinga Evrópusambandsins kemur sér ákaflega illa í umræðunni fyrir þá sem vilja berjast gegn aðild á grundvelli málefnanna.
Í dag er því fagnað á Íslandi að fyrir 59 árum varð Ísland frjálst og fullvalda ríki. Dagurinn sem valinn var til hátíðarhaldanna er fæðingardagur Jóns Sigurðssonar sem oft er kallaður frelsishetja Íslendinga. Nú í byrjun 21. aldarinnar er viðhorf fólks til þjóðernis og fullveldis ríkja breytt frá því sem áður var.
Tékkar samþykktu samþykktu aðild að ESB um seinustu helgi rúmlega viku eftir að Pólverjar gerðu slíkt hið sama. Hvort tveggja gerðist án teljandi vandræða. Fyrirfram voru þetta þau lönd þar sem mest var óttast um niðurstöðuna sökum vel skipulagðrar ESB-andstöðu og áhugaleysis kjósenda. Úrslitin eru því mikill sigur fyrir Evrópusinna.
Í gær vann San Antonio Spurs sigur í fimmta úrslitaleik sínum gegn New Jersey Nets. Leikirnir hafa allir verið sýndir í beinni útsendingu á sjónvarpsstöðinni Sýn og hafa verið mjög áhugaverðir þótt lítið stigaskor og fremur vandræðalegur sóknarleikur ásamt áköfum varnarleik hafi einkennt úrslitarimmuna.