Sniðgöngum sniðgönguna

sdfdÍ bréfi sem gengur manna á milli í tölvupósti þessa dagana er þess farið á leit við lesendur að þeir sniðgangi olíufélögin og beini viðskiptum sínum á nýlenduvörum annað.

Hvernig er hægt að ruglast á þessum manni og faglærðum smið?

Það er alþekkt fyrirbæri að menn vilji hengja bakara fyrir smið. Reyndar hefir pistlahöfundur aldrei fullkomlega skilið þetta máltæki enda hljóta menn að þurfa að drekka frekar ótæpilega yfir Idol-stjörnuleit til að geta ruglast á bakara og smið—ef menn eru almennt á þeim buxum að nauðsynlegt sé að hengja einhvern. Alltént, þá náði múgæsingurinn hámarki í vikunni þegar einhver snillingurinn ákvað að það væri sterkur leikur í stöðunni að freista þess að senda út fjölpóst og biðla til lesenda að beina nýlenduvöruviðskiptum sínum frá olíufélögunum.

Denny Crane.

Þetta finnst finnst pistlahöfundi ósanngjarnt. Fyrir það fyrsta eru pylsurnar á Select of góðar til þess að ég geti hugsað mér að beina viðskiptum mínum annað. Í annan stað er ósanngjarnt að refsa núverandi yfirmönnum fyrirtækjanna fyrir brot sem forverar þeirra í starfi frömdu. Hér er því verið að hengja bakara fyrir smið, svo ég setji þetta allt saman fram á mannamáli.

Denny Crane.

Verðsamráð olíufélaganna er svartur blettur á viðskiptalífinu. Um það er ekki deilt og ég get fyllilega skilið að menn fái óbragð í munninn þegar þeir beina viðskiptum sínum til téðra fyrirtækja. Hins vegar er fullljóst að málið verður að fá að fara sína leið í dómskerfinu og enn er ekki útséð um að einhverjir aðilar máls verði látnir sæta refsiábyrgðar.

Denny Crane.

Í raun réttri er málið allt hið glataðasta frá upphafi til enda. Þannig gerir Samkeppnisstofnun það að tillögu sinni að félögin verði dæmd til greiðslu gríðarhárra skaðabóta. En bíðum við. Hverjir eru það sem greiða? Jú, fullljóst er að fyrirtækin verða að afla sér tekna til þess standa straum af greiðslu skaðabótanna. Það verður ekki gert nema á einn veg: Með því að auk framlegð eða reka félögin með tapi á þeim árum sem sektargreiðslurnar falla til.

Pirrandi, maður!

Denny Crane.

Þess var getið í upphafi pistilsins að menn eigi ekki að leggja það í vana sinn að hengja bakara fyrir smið. Sú skoðun mín stendur enn. Enda er ég harðákveðinn í að láta núverandi stjórnendur fyrirtækjanna ekki gjalda fyrir svik forvera sinna og hefi því ákveðið að sniðganga sniðgönguna.

Denny Crane.

Latest posts by Halldór Benjamín Þorbergsson (see all)